26 August 2009
15:15 -
Сенатор Эдвард Кеннеди оламдан ўтди
Сешанбадан чоршанбага ўтар кечаси машҳур Кеннедилар оиласининг аъзоси, АҚШ сенатори, 77 ёшли Эдвард Кеннеди вафот этди, деб ҳозиргина хабар берди Reuters агентлиги сенаторнинг оила аъзоларига асосланиб.Бу оиланинг икки аъзоси – АҚШ президенти Жон Кеннеди ва унинг укаси, президентликка номзод Роберт Кеннеди шубҳали шароитда суиқасд натижасида ҳалок бўлишган эди.
Эдвард Кеннеди 1962 йили акаси Жон Кеннеди президент бўлиб сайлангандан кейин унинг Сенатдаги ўрнига Демократик Партиянинг номзоди сифатида сайланган ва ўшандан бери у бери демократ-сенатор эди.
Роберт Кеннедининг ўлимидан кейин Эдвард Кеннеди президентлик учун курашиш ниятида бўлган. Аммо, 1969 йили Эдвард Кеннеди бошқараётган автомобилнинг кўприкдан дарёга қулаб тушиши туфайли у билан кетаётан ёш аёл чўкиб ўлгандан кейин, унинг обрўси тузатиб бўлмайдиган даражада тушиб кетди ва 1980 йилда у ўз партиясидан президентликка номзод бўлишга ҳаракат қилса ҳам, Жимми Картерга ютқазди.
Ўтган йили докторлар унинг мия саратони касаллигига дучор бўлганини аниқлашгандан кейин ҳам, Эдвард Кеннеди сенаторлик вазифасини бажаришни давом эттирди ва касалликни енггандек кўринди ҳам. Аммо, минг афсуски, бу бугун ҳаёт билан видолашибди.
