24 August 2009
13:17 - Абдураҳим Пўлат: Юшченко ҳақ, тоталтитар империяни украинлар йиқитди, аслида ўзбеклар йиқитиши керак эди
Укранинанинг мустақиллиги тикланганига 18 йил тўлиши муносабати билан кеча ўтказилган қабул маросимида Украина президенти Виктор Юшченко шундай деди: “1991 йил 24 августда мустақиллигимизнинг тикланиши – халқимизнинг юнг юксак ғалабасидир. Бу ғалаба коммунистик тоталитар империяни портлатибгина қолмасдан, бутун Европанининг ва бутун дунёнинг юзини ўзгартирди”.

Юшченко мутлақо ҳақ. 1991 йилдаги ГКЧП фитнасидан кейин Ўзбекистон каби жумҳуриятлар уни қўллаб қувватлаш билан овора экан, Украина биринчи бўлиб мустақиллигини эълон қилди, ва бундан ҳам муҳими, СССРдан чиқиш учун референдум эълон қилди. Ўша йили 1 декабрдаги референдумда украинлар СССРдан чиқишга овоз бердилар ва СССРнинг асосчиларидан бири ундан чиқиши туфайли, коммунистик тоталитар империя тугади. Ҳа, уни Украина тугатди.

Аммо, буни ҳеч ким кутмаган эди. СССРнинг асосини ташкил қулувчи уч славян халқи – рус, украин ва белоруслар доимо бирга бўлишларига ҳеч ким шубҳа қилмасди. КГБ ҳам. Ва бу КГБнинг энг катта хатоси бўлди.

КГБ СССРнинг келажаги учун энг катта хавф сифатида ўзбекларни кўрарди ва асосан ўзбеклар билан шуғулланди. “Ўзбеклар иши” ёки “пахта иши” деб билинган КГБнинг махсус оперциясининг мақсади - чуқур иқтисодий инқироз ботқоғидаги СССРни славянлардан кейин энг катта халқ бўлган ўзбекларнинг бўлиши мумкин бўлган зарбаларидан сақлаш учун уюштирилган эди. Бу операция ўз мақсадига эришди, ўзбеклар ичида, айниқса, ўзбек зиёлилари ичида қўрқув туйғулари уйғотилди, ўша пайтдаги ўзбек сиёсий элитаси тор-мор қилинди ва КГБнинг ишонган одами Ислом Карим учун тахт йўли очиб берилди.

Салой Мадамин, Дадахон Хасан каби калтафахм сотқинларнинг қўли билан “Бирлик” халқ ҳаракатининг парчаланиши ва унинг нейтраллаштирилиши ҳам КГБнинг иши эди. Шу йўл билан КГБ Россия империясига асосий таҳдид соладиган ўзбеклардан қутулдик, деб ўйлади. Аммо, кутилмаган зарба украинлардан келди. Ўзбеклар қилиши керак бўлган ишни улар қилдилар ва тоталитар Россия империясининг гўркови бўлдилар.

Лекин ўрта асрлардан бери иккига (Днепрнинг чап ва ўнг соҳилларига) бўлинган Украина ҳам ўз вазифасини охиригача бажаролмади. Ҳозир Украина ўз ички муаммолари билан овора.

Демак, ўзбеклар елкасидаги вазифа ҳали ҳам турибди. Путин тиклашга уринаётган янги рус имериясининг йўлини фақат ўзбеклар тўса оладилар. Бунинг учун авваламбор ўзбеклар Лубянканинг одами бўлмиш Ислом Каримдан қутилишлари керак.

Бу иш осон эмас, аммо шуни тушуниш керакки, бундай ишга тиши ўтадиган биргина ташкилот бор - “Бирлик” Партияси. Ҳозир мухолифатни “Бирлик”да бирлаштириш учун ҳаракатларимиз давом этмоқда. Бу ишни ҳам бажарамиз, русларнинг янги императорлик қуриш режаларини айнан биз бузамиз.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону