21 August 2009
22:11 - Чечен ўлимчи-террористларининг янги қуроли – велосипед
Бугун Чеченистон (Ичкерия) пойтахти Жавҳарқалъанинг икки ерида икки ўлимчи-террорист велосипедларда милиционерларнинг олдига келишган ва велосипедга ўрнатилган бомбаларни ўзлари билан бирга портлатишган. Аввал 4 ёки 5 портлаш ҳақида хабарлар тарқаганди, улар кейинчалик тасдиқланмади.

Икки велосипеднинг портлатилиши натижасида 4 милиционер ва бир пиёда ўткинчи одам ҳалок бўлган, бир милиционер ва бир неча тасодифий йўловчи ярадор бўлган. Табиий, ўлимчи-террористларнинг ўзи ва велосипедлари парча-парча бўлиб кетган. Чеченистоннинг қўғирчоқ президенти Рамзан Қодиров яна икки террорист велосипедларда шаҳар бўйлаб юргани, уларни ушлаш учун ҳаракатлар давом этаётганини эълон қилди.

Бир неча ой аввал Чеченистон ва Россия раҳбарлари Чеченистонда контртеррористик операциялар ҳолати бекор қилигани билан мақтанишган эди. Аммо, ўтган вақтнинг ўзида бугунгиси каби 4-5 марта кўп талафотли террористик ҳужумлар уюштирилди.

Кўринишидан, жангарилар осонликча таслим бўлишмоқчи эмас. Лекин, уларнинг ҳам келажаги йўқ. Мустақиллик учун курашнинг бошқа йўллари қидирилиши керак.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону