14 August 2009
00:41 - Юшченконинг Медведевга жавоби: Очиқ айтаман, ҳафсалам пир бўлди
Россия президенти Дмитрий Медведев Украиналик ҳамкасбига 6 августда мактуб йўллаб, Юшченконинг шахсан ўзини ва Украина раҳбариятини Россия-Украина муносабатларининг ёмонлашишида айблагани ва шу сабабли Украинага янги элчи юборишни кечиктириш қарори олгани ўтган куни маълум бўлганди

Кескин ва анчагина қўпол тарзда ёзилган бу хат сайтимиз тарафидан “Россия-Украина алоқалари узилиш арафасига келганининг кўрсатгичи” сифатида баҳоланган эди. Кеча Юшченко лидерлик қиладиган “Бизнинг Украина” партияси раҳбарларидан бири бу хусусда Россияни қораловчи баёнот эълон қилганидан кейин, балки, Юшченкониг ўзи Медеведвга жавоб бермаслиги ҳам мумкин деган тахминлар ҳам пайдо бўлганди.

Бундай бўлмади. Бугун Виктор Юшченконинг Дмитирий Медведевга жавоб мактуби Украина оммавий ахброт воситаларида эълон қилинди.

Чиройли ва дипломтик нормалар доирасида қатъий шаклда ёзилган бу жавобнинг тўла матни сайтимизнинг “Актуал Мавзу” бўлимига ҳам қўйилди.

Бугун Россия-Украина муносабатларига алоқаси бўлган яна бир янгилик пайдо бўлди. Маълум бўлишича, айнан бугун Россия президенти ўз мамлакатининг Украинадаги янги элчиси этиб, Михаил Зурабовни тайинлабди. Табиий, янги элчи тайинлангани билан унинг қачон Киевга юборилиши аниқ эмас.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону