Давлатнинг расмий ахборот агентлиги ЎзАнинг хабарларини кузатган одамда айнан сарлавҳадаги фикр шаклланади. Агентликнинг мақсади ҳам шу. Аммо, бугун одамларнинг дунёдан оз бўлса хабар олиш имконлари бор, шу сабабли, улар ЎзАнинг ғариб аҳволидан кулишлари ғоят табиий.

Дарвоқе, агентликнинг кеча тарқатган иккитагина хабаридан бири навбатдаги кўрик-танлов ҳақида. Нима эмиш, Самарқанд шаҳрида “Оналар куйлаганда” кўрик-танлови ўтказилганмиш, тадбир давомида ҳар қатнашувчи ўз ҳудудига хос халқ оғзаки ижоди намуналарини ижро этганмиш.

Кўрик натижаси бўйича Тайлоқ тумани жамоаси ғолиб чиқибди ва кўрик-танловнинг мамлакат босқичида иштирок этиш ҳуқуқини қўлга киритибди.

Оналарнинг аксарияти Россияда мардикорлик қилаётган ўғлонларининг ташвиши билан овора экан, кўрикда кимлар қатнашди экан? Хабарда бу саволга жавоб йўқ.