05 August 2009
22:34 - Терроризм Австралияга қадар узаймоқдами
Кеча бу мамлакатнинг полицияси 7 ойлик теширув ва кузатувлардан кейин Австралия қуролли кучларининг объектларига қарши терактлар тайёрлаш айблови билан 6 кишини қўлга олган эди. Бугун яна 4 кишига шундай айблар қўйилди.

Ҳаммаси бўлиб қанча одам ушлангани, уларнинг қанчаси ҳибсга олинган ҳақида дунё ахборот воситаларида чалкашли маълумотлар келтирилмоқда. Уларни умумлаштириб айтиш мумкинки, 5 киши ҳибсга олинган ва улар устидан Мельбурнда шу йил 26 октябрда суд бошланади.

Ушланган ва қамалганларнинг ҳаммаси Сомалия ва Ливан аслли мусулмонлардир. Прокурор уларни Ал-Қоида билан алоқаси бер деб гумон қилинаётган Ал-Шабааб ташкилотининг аъзолари, деб ҳисоблаган ва уларга қарши аниқ далиллар борлигини билдирган.

Террористларнинг мақсади - Ироқ ва Афғонитонда террорга қарши урушда иштирок этиш учун ўз қўшинларини жўнатган Австралияни жазолаш бўлган, деб ҳисобланмоқда.

Расмда (Reuters): Полиция тинтув ўтказилган уйларнинг бири олдида қўлга олинган ашёвий даллиларни тўпламоқда.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону