04 August 2009
11:52 - АҚШ фонд бозорларининг индекслари ва нефтнинг нархи ортишни давом эттирмоқда
Кеча Нью-Йорк биржасидаги турли компанияларнинг акцияларини сотиш бозорида Dow Jones индекси 114, 95 пунктга кўтарилди ва ҳозир унинг абсолют миқдори 9286,56 бўлди. Ўтган йили ёз ойларида молиявий-иқтисодий кризис бошланмасдан аввал Dow Jones индекси 13000-14000 минг атрофида бўларди. 2008 йил август ойида тушишга бошлаган бу индекс шу йилнинг февраль ойида энг минимал нуқтага, тахминан 6600 га тушди. Кўриниб турибдики, ҳозир Dow Jones мунтазам ортиш йўлида.

Айни замонда, Нью-Йорк биржасида нефтнинг нархи ҳам ўсишини давом эттирмоқда. Кеча бир кунда 1 баррель нефтнинг сентябрь фючерс нархи, яъни сентябрь ойида қўлдан қўлга ўтадиган нефтнинг нархи $2,13 га ортиб, $71,58 га етди.

Dow Jones индекси бизнесс активлигининг кўрсатгичидир. Демак, АҚШда бизнесс активлиги ортиб бормоқда. Бошқа томондан, нефть нархининг ортиши, унга эҳтиёж ортаётганини, демак, ишлаб чиқариш юксалаётганини, охир-оқибат бизнес активлиги ортаётганининг кўрсатгичидар.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону