Тошкент вилояти Юқори Чирчиқ тумани 23-мактаб раҳбарияти ўқувчиларни мажбурий меҳнатга жалб қилиб келгани айтилган хабарлар тарқалгач, Меҳнат Вазирлиги бунга муносабат билдирибди.

Ҳозир маълум бўлишича, бунга жавобан Юқори Чирчиқ туманида жойлашган 23-мактабдаги ҳолат бўйича Тошкент вилояти Бандлик Бош Бошқармаси Давлат Меҳнат Инспекцияси томонидан ўрганиш ўтказилибди.

Ўрганиш давомида ҳақиқатан ҳам 2021 йилнинг 15 ноябрь куни синф раҳбарларидан бири томонидан ўқувчилар дарс вақтида мактаб ҳовлиси ва ташқари ҳудудини тозалаш ишларига мажбурий тарзда ишлатилгани аниқланибди. Шунингдек, бу каби ҳолат ҳафтасига кўп маротаба такрорланиб келаётгани ҳам ўз тасдиғини топибди.

Кўриб турибсизки, фақат вазирлик эмас, Меҳнат Вазирлиги қошидаги Бандлик Бош Бошқармаси Давлат Меҳнат Инспекцияси ҳам бу ишни ўрганибди ва гўёки бундай ишлар бўлмаслиги учун огоҳлантириш юборибди.

Аммо, бу билан бу иш охирига етмайди. СССР замонида ҳам шу каби ишлар бўларди, аслида, ҳамма нарса эскиси каби давом этаверарди.

Энди бундай масалаларга кўпроқ эътибор бериш керак, бундай ишлар давом этмаслиги учун керакли тадбирлар қилиниши керак.