Михаил СААКАШВИЛИга бағишланади!
Дунё жиннихона, соғ жойи йўқ.
БМТни оламнинг соғ жойи деса бўладими?! Жаҳоннинг энг ёвузлари Хитой билан Россия вето қўядиган жой соғ жойми?!...
Дунёнинг соғ жойини топиб беринг - мукофотим бор! Мукофотни олдиндан топшираман - Сизга Тангрининг олқиши бўлсин!!!
Шу тилак - Тангрининг олқиши - мукофотим!
Шундан бошқа бойлигим йўқ. Шундан ортиқ бойлик борми?!...
Очуннинг тентакхона эканини айтганлар бўлган. Вале етарли далиллар келтирмаганлар.
Менда эса етарли, балки зиёда.
Ч. Дарвин деган бир тентак ўтган - инсоният деган тентак бу тентакни олим дейди - тағин буюк ва машҳур деб улуғлашадилар.
Маймун меҳнат қилиб инсонга айланганмиш.
Бизга шундай деб ўқитдилар, ҳали ҳам ўқитилса керак. Тангрининг барча муқаддас китобларини бир оз биламан - биронтасида бундай дейилмаган.
Ҳақ ҳақ эмасу - тентак Дарвин ҳақ эканда?!
Чексиз гўзал очунларни, чексиз ёғдуларни,чиройли ой -кунларни, турли майсаю дарахтларни,сайроқи булбулларни, кўзтортар оҳуларни... яратган Тангрига инсондай жирканч нарсани яратиш қийинми?!
Жинни Дарвин жиннилиги - билимми ё сиёсатми?!
Жиннилик билим бўлолмайди, сиёсат эса жинниликдан бошқа нарса эмас... айниқса дунёдаги ҳозирги сиёсат...
Уч - тўртта юртнинг бошлиқларини ҳисобга олмаса, икки юзга яқин юрт тўраларини кўз олдинггизга келтиринг - нақадар иркит кимсалар - ҳар бири ўзича худо.
Оғзидан кўтанигача ахлату ўзини худо санайди...
Шу ахлат уюмларига юкинаётган инсоният соғми?!...
Дарвин улуғлаган меҳнат - бу - одамзотни қулликка кўндиришдан бошқа нарса эмас ва шу боисдан бутун дунёда ўқитилади - сиёсатдир.
Агар қора иш кишини етук қилса - ўзбекдан онгли эл бўлмасди -
Элим уйғоқ - юртим учмоқ - мен қувноқ бўлардик...
Эсизки - жиннихонада жинниларга дарс бераётган ўқитувчидирман...
Михаил Саакашвили Грузия чегарасини бузиб ўтганмиш. Михаил Марсда тўғилганми?!
Грузияда тўғилмаганми?!
Грузиянинг туб элидан эмасми?!
Грузия учун жонини тикмаганми?!
Аллақандай онгсиз -жиннилар йиғилиб - қонун ёзадилар.
Тангрининг тузукларига тупурадилар.
Шу жиннилар битган битиклар - қарғишли қоғозлар - инсоният бўйнидаги сиртмоқдир.
Ҳар юртнинг туб элидан бўлиб, ҳатто четда тўғилган бўлса ҳам ҳар бир киши шу юртнинг ердоши бўлиши шарт - жаҳон бўйлаб шундай тузук шарт.!!!
Нечун БМТ деган жой шундай қонун битмайди.
Чунки юқорида айтганимдай - БМТ - жиннихона.
Ахир М. Саакашвили Грузияда тўғилган, шу юрт, шу юрт элининг озодлиги учун, инсоният озодлиги учун жонини тиккан инсониятнинг энг шарафли ўғилларидан бири.
Ўз юртига келиши - чегарани бузишми?!...
Дунё жиннихона бўлмай нима?!...
Европа жим - тўралари жим - шармандаларча йиғилиб, ошхўрлик этиб -қоғозда қолиб кетадиган тентакликлар билан машғул.
Улар ишонадилар - Михаил чегарани бузиб ўтган, кимлардир билан жанжаллашган - жиноятчи.
Саакашвили нима этган бўлса - Грузия ва халқи учун этган.
Марказий Осиёнинг номуссиз, сотқин - Москва малайлари бўлган “президентларидай” ўзлари ва оилаларининг беш - ўн кун яшаб қолишлари учун миллиардларни ўмарган эмас... Тожикистоннинг шарафсиз тўраси И.Раҳмонга - юртида Хитойга база бериб - М.О.ни иккинчи Уйғуристонга айлантираётган кимсага Евроpa қучоқ очди.
ХИТОЙНИНГ ТОЖИКИСТОНДАГИ БАЗАСИ - ХИТОЙНИНГ МАРКАЗИЙ ОСИЁГА ОЧГАН ДАРВОЗАСИ, БУ ДАРВОЗАДАН ДАҲШАТЛИ ФОЖЕАЛАР КИРИБ КЕЛАДИ - М.О. - ИККИНЧИ УЙҒУРИСТОНГА АЙЛАНАДИ...
М.О.да буни тушунганлар кам - улар ҳам ВАЛИЖОН КАЛОНОВдай йўқотилиш хавфи остида...
Алқисса, сотқин, ошхўр Имомалилар учун Европа қуллуқда... Михаиллар билан бошини оғритмайди...
Европаси шу бўлгач, дунё жиннихона бўлмай, нима?!...
Давлатлар диндан ажратилгандай - Адолатдан ҳам ажратилдими, Демократиядан ҳам ажратилдими,
Инсон ҳақларидан ҳам ажратилдими, Тўғригўйликдан ҳам ажратилдими,
Ор -номусдан ҳам ажратилдими?!,,,,
Нима қолди жаҳон деган жиннихонада - фақат МАНФААТМИ?!...
Жиннилар фақат очликни сезадилар... очлик ва кўзи очлик... Улуғ Мирзо БОБУР ҳазратлари - буюк Темурзода - элнинг ипининг учига ҳам, игнасининг синиғига ҳам тегманглар деб фармон берганлар!!!
Улар қайта тўғилсалар - Очун оқилхона бўлади. Ҳозирликча дунё деган тентакхонада яшашга тутқунмиз...
2021 йил, 1 ноябрь.
