25 July 2009
22:46 - АҚШ вице-президенти: Иқтисодий инқироз Россияни Ғарб олдида чекинишга мажбур қилади
Украина ва Гуржистонга қилган сафаридан қайтган АҚШ вице-президенти Жо Байден The Wall Street Journal газетасига интервью берди. Табиий, у асосан ўз мамлакатининг Украина ва Гуржистон билан алоқалари ҳақида гапирган бўлса ҳам, Россияни четлаб ўта олмасди ва ўтмаган.

“Россия ўзи учун жуда оғир бўлганга қарорлар олишга мажбур. Дунё ўзгармоқда, руслар эса ҳаётий эмаслигини кўрсатиб бўлган ўтмишга ёпишиб олмоқдалар”, дейдм Жо Байден. Унинг фикрича, Россиянинг ядровий қуролларини сақлашга ҳам моддий кучи йўқ. Шундай экан, у ўз қуролларини қисқартиришга мажбур бўлади.

Аммо, Россиянинг қурол билан ҳаммага таҳдид қилиши яқин замонда ортиши ҳам мумкин, дейди Байден. Шунинг учун Вашингтон у билан жуда эҳтиёт бўлиб гаплашиши, уни бурчакка чиқиштирмалиги керак.

Жо Байден аввалги вице-президент Дик Чейни каби “қирғий” сиёсатчилардан ҳисобланади. Айни замонда, айнан Чейни каби, у ҳам АҚШ ташқи сиёсатини белгилашда асосий шахсдир. Демак, унинг гапирганларини ўзбеклар ҳам диққат билан эшитиш ва эътиборга олишлари керак, дейди “Ҳаракат”нинг мухбир. Чунки, АҚШнинг Россияга нисбатан сиёсати Ўзбекистонга ҳам тегади.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону