22 July 2009
12:30 - Россияда иқтисодий инқироз: “АвтоВАЗ:нинг конвейери 3 августдан бир ойга тўхтайди
“Коммерсантъ” газетасининг бугунги сонида билдирилишича, “АвтоВАЗ” бу йил иккинчи марта ўз конвейерини бир ойга тўхтатмоқчи. Газетанинг ёзишича, “АвтоВаз”нинг омборларида сотилмаган 85 минг автомобиль бор экан. Одатда омбордаги автомобилларнинг сони 50-60 мингдан ошмасди.

Агар конвейер бир ойга тўхтатаса, омбордаги автомобилларнинг сони 2 бараваргача камайиши мумкин.

Шу йилнинг бошида ҳам конвейер бир ойча тўхтаган, ўшанда омбордаги атомобилларнинг сонини 100 мингдан 80 мингга туширишга эришилган экан.

Конвейернинг тўхтатилиши, заводнинг ўзида ишлайдиганлардан ташқари, конвейерни тайёр қисмлар билан таъминловчи бошқа ишлаб чиқариш корхоналарини ҳам қийин аҳволга солади, уларнинг баъзилари қисқа вақтда банкрот бўлиб кетишлари ҳам мумкин.

Экспертларнинг фикрича, 2009 йилнинг охиригача заводни инқироздан олдинги даражага олиб чиқиш мумкинга ўхшамайди.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону