19 July 2009
15:17 -
Афсонавий Нелсон Мандела 91 ёшга тўлди
Қора танли миллатларнинг мустақиллик учун кураш рамзига айланган Нелсон Мандела кеча 91 ёшга тўлди. Туғилган кунини ўз уйида яқинлари билан нишонлаган Нелсон Манделла, телевизион репортажларда кўрсатилишича, икки одамнинг ёрдами билан юраётган бўлса ҳам, ташқи қўринишидан тетик эди.Бу улуғ инсон фақат қора танлиларнинг эмас, бутун инсониятнинг қаҳрамонидир. У ўз миллатининг ҳуррияти учун 28 йил қамоқда ўтирди, аммо руҳи ўлмади. Ҳозир ҳамма тушунмоқдаки, у фақат ўз халқининг ҳуррияти учун эмас, ҳуррият тушунчасини устивор ғояга айлантириш учун умрининг 28 йилини панжаралар орқасида ўтказди ва ғалаба қилди. У ҳуррият ғоясини мисли кўрилмаган чўцциларга олиб чиқди, ҳуррият душманлари билан ҳеч қачон келишмади, ҳуррият ғоясига ҳеч бир шаклда хоинлик қилмади.
1918 йил 18 июлда туғилган Нелсон Манделла 1944 йилда Африка Миллий Конгрессининг Ёшлар Лигасини тузувчилардан бири бўлди. 1991 йили Африка Миллий Конгрессининг президенти этиб сайланди. Кўп марта қамалди, 1964 йили охирги марта қамалди, аммо бу қамалиш бутун умрга эди.
1990 йили жунё жамоатчилигининг талаби билан озод қилинди. 1994 йили Жанубий Африка Жумҳуриятидаги биринчи демократик, ноирқий сайловда ғоли чиқди ва бу мамлакатнинг биринчи қора танли прзиденти бўлди.
1993 йили унга Тинчлик Нобель Мукофоти берилди. 1994 йилда расмий сиёсат саҳнасидан айрилди.
