11 September 2020
12:17 -
Масхарабозлик дунё даражасига чиқмоқда: Москвада Шанхай Ҳамкорлик Ташкилоти давлатларининг Ташқи Ишлар Вазирлари учрашуви бунинг исботидир
Ҳиндистон, Покистон, Қирғизистон, Қозоғистон, Россия, Тожикистон, Хитой ва Ўзбекистон ташқи ишлар вазирларнинг раҳбарлари ШҲТ Бош котиби ва ШҲТ Минтақавий аксилтеррор тузилмаси Ижроия қўмитаси директори иштирокида Москвада йиғилиш ўтказдилар.Вазирлар ШҲТга аъзо давлатлар раҳбарлари кенгаши мажлиси кун тартиби ва имзолаш учун таклиф қилинадиган ҳужжатлар лойиҳаларини кўриб чиқиб, авваламбор Афғонистондаги тинчлик жараёнини илгари суриш мақсадида фикр алмашишибди. Нимамиш, бу – ҳозирги улуғ вазифа эмиш.
Йиғилишда халқаро ва минтақавий долзарб масалалар юзасидан ҳам фикр алмашилибди, тегишли қарорлар қабул қилинибди. Энг муҳими, делегациялар раҳбарларини Россия Президенти Владимир Путин қабул қилибди.
Йиғилишнинг бошқа тафсилотлари ҳали эълон қилинмади. Расмда йиғилиш қатнашчиларини кўрмоқдасиз.
