16 July 2009
10:24 -
АҚШ Конгресси жойлашган Капитолий олдида отишма, бир одам ўлган, бир полициячи ярадор
Кеча кечга яқин АҚШ пойтахти Вашингтонда, мамлакат парламенти жойлашган Капитолий биноси олдида отишма чиқди, деб хабар берди Reuters агентлиги. Бир одамнинг ўлгани, бир полиция ходимининг ярадор бўлгани билдирилди. Капитолийнинг отишма чиққан тарафдаги эшиклари ёпилган.Кейинроқ маълум бўлишича, автоинспекция ходимлари тарафидан бир автомобиль оддий сабаб билан тўхтатилганда, отишма бошланган. Ўқ отишни бошлаган одам ўлдирилган. Бу тўқнашувнинг Капитолийга ҳеч қандай алоқаси йўқлиги ва воқеанинг АҚШ Конгресси олдида бўлиши тасодиф эканлиги хабарларда алоҳида айтилади.
