Ўзбекистоннинг собиқ Ички ишлар вазири Зокир Алматовнинг тўнғич ўғли Рустам Миллий Хавфсизлик Хизмати Тошкент шаҳар бошқармаси томонидан ҳибсга олинган. У Ўзбекистон Республикаси ЖКнинг 110-моддаси (Қийнаш)да кўзда тутилган жиноятни содир этганликда айбланмоқда.

Бу ҳақда мухбиримизга маълум қилган Тошкент шаҳар прокуратурасидаги манба ҳозирда иш Мирзо Улуғбек тумани прокуратурасига ўтказилганини айтди. Маълум бўлишича, Рустам ўз итини ўғирлаганликда айблаб, мардикорлик учун пойтахтга келган бир неча ўспиринни қийноққа солган. Уларни маҳаллий автогаражлардан бирига қўлларидан осиб, дўппослаган.