09 July 2009
23:42 - Москвадаги “Лениград вокзали” энди “Николаевский вокзали” бўлади
Рус агентликларининг хабарига кўра, Россия Темир Йўллари президенти Владимир Якунин Москвадаги Ленинград вокзалининг номини “Николаевский вокзал” деб ўзгартириш тўғрисида буйруқ чиқарибди. Бу ном вокзалнинг Улуғ Октябрь революциясидан олдинги номи бўлса керак.Вокзалнинг бу номи Николай подшоҳнинг исмидан олинганми ёки Николаев фамилиясиданми, бизга номълум. Шунинг учун янги номни таржимасиз, русча шаклда бермоқдамиз. Янги ном нимадан олинганига қараб, ўзбеклар уни ёки “Николай вокзали” ёки “Николаев вокзали” деб аташлари мумкин.

Россия коммунистларининг, яъни ленинпарастларнинг лидери Геннадий Зюганов бу қарорни кескин қоралаб, вокзалга эски номни қайтаришни талаб қилибди. Ҳозир унинг дод-войига ҳеч ким қулоқ солмаса керак.

Аммо, Якунин бу қарорини Владимир Путин билан келишиб олган-олмаганлиги муҳим. Келишиб олмаган бўлса, Путиннинг бу янгиликка муносабабти қандай бўлади? Шу кунгача кўпчилик Путинни Совет символларини сақлаб қолишга интилувчи киши деб ҳисобларди. Кўрамиз, у ҳали ҳам ўша-ўшами ёки ўзгармоқдами.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону