Ўзбекистонда ҳукмронлик қилаётган тожиклар режимининг қўғирчоқ оммавий ахборот воситаларидан бир бўлган Kun.uz Интернет нашри хабар беришича, Туркия Ички Ишлар Вазири Сулаймон Сойлу Туркияда асирга олинган террористик Ислом Давлати жангариларини 11 ноябрдан ўз юртларига қайтариш бошланишини айтибди. Табиий, уларнинг катта қисми Европа давлатларидан, демак, террористлар ўша давлатларга қайтарилади.

Аммо, у давлатлар ўзларидан чиққан террористларни қайтариб оладиларми ёки олмайдиларми, маълум эмас.

Аввалроқ Туркия президенти Ражаб Эрдўған Сурияда “Тинчлик Булоғи” операцияси давом эттирилиши мумкинлигини айтганди. Бу операция Курдистон Ишчи Партияси ва Ислом Давлати номлари остидаги террорчилик ташкилотларига қарши қаратилгани ҳаммага маълум. Уларнинг кўпчилиги Европа давлатларида фуқаро бўлиб олгани ҳам маълум. Шундай экан, Туркия баҳона билан НАТОлик сафдошларининг жиғига ҳам тегиб олмоқчи.