13 October 2019
08:43 -
Тошкент ва Самарқандда Ўзбекистондаги сўз эркинлиги муҳокама қилинди, Абдураҳмон Ташанов ҳаммани лол қолдирди, Президентнинг қизи Саида Мирзиё қуруқ вайсади
Яхши хабар Тошкентдаги йиғилишга оид эди. Аммо, муҳим бўлгани, иккала йиғилиш ҳам Европада Хавфсизлик ва Ҳамкорлик Ташкилоти (ЕХҲТ) расмий вакилларининг Венадан келган ҳайъати учун ташкил этилганидир. 11 октябрда ўтказилган Тошкентдаги йиғилишга Ўзбекистон Инсон Ҳуқуқлари “Эзгулик” Жамиятининг раиси Абдураҳмон Ташанов ҳам таклиф қилингани катта сенсация бўлди. Чунки, ноҳукумат тишкилотига бу каби юқори даражали йиғилишда иштирок этишга рухаст берилгани кутилмаган воқеа бўлди .
Аммо, унга йиғилишнинг охирги дақиқаларида сўз берилиши кўрсатдики, ташкилотчиларнинг мақсади – ҳаммани лақиллатиш бўлган. Абдураҳмон Ташанов буни ўз вақтида тушуниб етди ва қисқа нутқида “Эзгулик” Жамияти Ўзбекистондаги сиёсий партиялар ҳақидаги қонунга ўзгартиришлар киритиш учун иш бошлаганини айтиб, Адлия Вазирлигининг рўйхатидан ўтиш учун партия аъзоларининг сонини ҳозирги 20 мингдан Россияда каби тахминан 500 га тушириш кераклигини урғулади.
Чет эллик меҳмонлар бу янгилик қаршисида эс-ҳушларини йўқотдилар дейиш мумкин. Уларнинг бир нечтаси ўтирган жойларидан туриб, “Биз бундай нарсадан хабаримиз ҳам йўқ эди. Демак, “Эзгулик”нинг бу таклифини қўллаб-қувватлаймиз” деб ҳайқиришди. Ҳеч шубҳа йўқки, энди айнан шундай бўлади.
Айтиш керакки, йиғилиш битар-битмас, унинг ўзбекистонлик қатнашчилари Абдураҳмон Ташановни ўраб олиб уни ўзларича суд қилмоқчи бўлдилар, аммо шуни ҳам эплай олмадилар.
Самарқанддаги йиғилиш қандай руҳда ўтганлиги ҳақида бизда ҳеч қандай маълумот йўқ эди. Аммо, Ўзбекистонда ҳукмронлик қилаётган тожиклар режимининг қўғирчоқ оммавий ахборот воситаларнинг хабарларидан тушундикки, тожиклар режимининг раҳбари Шавкат Мирзиё бу йиғилишни ўзининг пропоганда механизми сифатида ўтказишга ҳаракат қилган.
Бу йиғилишда нутқ сўзлаган Ахборот ва Оммавий Коммуникациялар Агентлигининг (АОКА) қўғирчоқ директори Комил Алламжонов ва унинг биринчи эмас, оддий ўринбосари, Шавкат Мирзиёнинг катта қизи Саида Мирзиё Ўзбекистонда сўз эркинлиги масаласида инқилобий ўзгаришлар бўлаётганини айтиб, ҳаммани ҳайратга солишибди.
Жумладан, Саида Мирзиё шундай дейишгача бориб етибди: “Ўзбекистонда олдин тақиқда бўлган қатор хорижий ОАВдан тақиқлар олиб ташланган, хорижлик журналистларни аккредитациялаш соддалаштирилган, матбуот котибларининг мавқейи оширилиб, уларга шароитлар яратилаётгани ва мунтазам малакасини ошириб бориш тизими жорий этилган. Мамлакатимиз очиқлик, сўз ва ахборот эркинлигини кафолатлаш ҳамда ОАВни ҳақиқий тўртинчи ҳокимиятга айлантириш йўлидан бормоқда. Орқага қайтиш йўқ.”
Бу эси паст Саида Мирзиёга тушунтириш керакки, Ўзбекистонда сўз эркинлигига йўл бериш, ОАВларни 4-чи ҳокимиятга айлантириш йўлида ҳеч нарса қилингани йўқ ва қилинмайди ҳам. Бу йўлда иш олиб бориш учун, авваламбор, Ўзбекистонда биринчи бўлиб яратилган “Ҳаракат” каби мустақил оммавий ахборот воситаларига йўл очиш лозим. Акс ҳолда, Ўзбекистон халқи майдонларга чиқиб, мавжуд тожиклар режимидан Ўзбекистонда фундаментал сиёсий ва иқтисодий ислоҳотлар бошлашни, ҳақиқий сўз эркинлигига йўл беришни талаб қилишга мажбур бўлади.
Расмда - Абдураҳмон Ташанов.
