07 July 2009
00:43 - Қўғирчоқ Парламент режимбошининг сиёсий қарорини тасдиқлади
Бугун Ўзбекистон Парламентининг қонунчилик палатаси матбуот хизмати Президент Ислом Каримнинг Коллектив Хавфсизлик Шартномасига аъзо мамлакатлар раҳбарларининг Москвада шу йил 14 июнида ўтган мажлисидаги позициясини тасдиқлагани ҳақида хабар қилди.

Маълумки, ўшанда бизнинг режимбоши тузилма доирасида Тезкор Аскилтаъсир Коллектив Кучлари (Коллективных сил оперативного реагирования) барпо қилиш ишига қўшилмаслигини билдирган ва унинг бу қадами сиёсий экспертлар ва мустақил журналистлар тарфидан Путин раҳнамонлигидаги режимлар уюшмасига нисбатан исён деб баҳолаган эди. Парламентнинг бугунги қарори кўрсатмоқдаки, Ислом Карим ўз аҳдида қатъийга ўхшайди.

Хўш, Ислом Карим “исёнининг” сабаби нима? Бу саволга ҳали жавоб йўқ. Чунки, Ўзбекистон президенти яқиндагина нутқларидан бирида Россиянинг Марказий Осиёда манфаатлари бор ва биз уни тан оламиз дея, Москвага тобеликдан воз кечмоқчи эканлигини кўрсатганди. Шундай экан, Москвага тобе эканлигини тан олувчи одам шу тобеликни мустаҳкамловчи Тезкор Аскилтаъсир Коллектив Кучларига қарши чиқишининг сабаби номаълумлигча қолаверади.

Балки, жиддий сабаб қидириш ҳам керак эмас. Унутмайликки, 15 йилча аввал собиқ Совет республикалари ўз валюталарини чиқаришга бошлашганда, бунга охиригача қаршилик қилган одам Ислом Карим бўлганди. Бу қадам мантиқсизлик билан ақлсизликнинг омихтасидан келиб чиққанини ҳамма кейинчалик тушунди. Ҳозир ҳам шундай бўлаётган бўлиши мумкин. Одам қариган сари бу омихта нарса ҳам ривожланиб бориши табиий.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону