01 August 2019
14:02 - Тайинлов: Яккабоғ туманига ҳам янги ҳоким тасдиқланди
Қашқадарё вилояти ҳокимлиги ахборот хизматига асосланиб тарқатилган хабарларда айтилишича, 31 июль куни Қашқадарё вилояти Халқ Депутатлари Яккабоғ туман Кенгашининг навбатдан ташқари сессияси бўлиб ўтди. Сессия ишида вилоят ҳокимлиги вакиллари, вилоят ва туман ташкилотлари раҳбарлари ҳамда халқ депутатлари Яккабоғ тумани кенгашининг депутатлари, оммавий ахборот воситалари вакиллари иштирок этишди.

Вилоят ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари котибияти мудири лавозимида ишлаб келган Абдирасул Сафар Яккабоғ туман ҳокими этиб тасдиқланди.

Сессия ишида вилоят ҳокими Зафар Рўзи иштирок этиб, нутқ сўзлаган.

Абдирасул Сафар 1965 йил 15 февралда Яккабоғ туманида туғилган. 1989 йилда Самарқанд давлат архитектура ва қурилиш институтини тамомлаган.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону