Дунё хабарларидаги ҳамма гапларни шу жумла билан умумлаштирса бўлади: 20 та кучли давлатларнинг лидерлари жаҳон иқтисодиёти қаршилашаётган таҳдидларни тан олишди, аммо протекционизмни муҳокама ҳам қилишмади ва қийин бўлса ҳам, эркин ва адолатли савдо-сотиқ учун курашишни давом эттириш кераклигини урғулашди.

Аслида, дейди мухбиримиз, G20 саммити билан боғлиқ ҳамма хабарлари G20 лидерларининг саммит доирасидаги икки тарафлама учрашувлари ва музокаралари ҳақида эди. Бу учрашув-музокараларда эътиборга лойиқ бир нечтагина нарса бор:

- Саудия номидан G20 саммитида иштирок этган шаҳзода саудиялик мухолифатчи журналистни ўлдиришда ҳал қилувчи роль ўйнаганини аввалдан ҳамма тан олган бўлса ҳам, ҳеч ким бу мавзуни Осакада кўтармади.

- АҚШ ва Хитой раҳбарлари ўзаро савдо муносабатлари бўйича музокараларни давом эттиришга келишишди.

- Бошқа учрашувларда пичоққа илинадиган биронта мавзу тилга олингани кўрингани йўқ Ўзбекистонни ҳеч ким эсламади.

Хуллас, шу билан Осакада G20 саммити тугади, ички муаммолар давом этаверадиган бўлди.