Россия ахборот воситалари хабар қилишича, бир соатча аввал Россия Президенти Владимир Путин якка ўзи ва Бош вазири Дмитрий Медведев хотини Светлана билан Москвадаги “Христос Спаситель” ибодатхонасига келдилар. Ҳозир бу ерда Исо Пайғамбарнинг янгидан жонланишига бағишланган, руслар Пасха деб атайдиган, тантанали маросим бошланади.

Россиянинг оммавий ахборот воситалари насронийларнинг православ оқимига оид бўлган бу байрам жонли шаклда кўрсатилишини айтмоқдалар.

Эслатиш керакки, насронийларнинг бошқа оқимлари бу воқеани бир ҳафта аввал байрам қилиб бўлган эдилар.