22 November 2018
07:38 -
Туркияда 2016 йидаги давлат тўнтаришига уринишда қатнашган 74 ҳарбий умрбод озодликдан маҳрум этилди
Туркияда фатхулла-гуленчиларнинг 2016 йил 15 июлдаги давлат тўнтаришига уринишида иштирок этган ҳарбийларнинг 262 нафари устидан иш олиб бораётган Оғир Жиноий Ишлар бўйича Суд кеча уларнинг 74 нафарига умрбод оғирлаштирилган қамоқ жазоси берди. Яна 21 киши тўплам 4 минг 65 йил қамоқ жазоси олди. 1 кишига 2 марта умрбод қамоқ жазоси, яна 1 кишига турли айблар бўйича умрбод қамоқдан ташқари, яна 15 йил қамоқ жазоси ҳам берилибди.Бу ҳақда хабар тарқатган Туркиянинг расмий Анадолу давлат агентлиги бошқалар устидан суд давом этишини билдирган.
“Ҳаракат”нинг аввалги хабарларидан маълумки, давлат тўнтаришига уринишда қатнашганлик айби билан 10 минглаб одам ҳибсга олинган ёки ишларидан ҳайдалган. Ҳибсдагилар устидан тергов ишлари давом этмоқда. Давлат тўнтаришига уриниш пайтида тахминан 240 киши ҳалок бўлган.
Яна эслатиш керакки, Президент Ражаб Эрдўғоннинг Туркияда ҳокимиятни тўла қўлга олволган исломчилар режими фатхулла-гуленчиларни ФЕТОчилар (ФЕтхуллачиларнинг Террористик Оргути, “оргут”- турк тилида “ташкилот” деганидр) деб эълон қилган ва ҳамма ерда бу қисқартма қонунга зид равишда расман ишлатилади.
Биз бу ерда фатхулла-гуленчиларни оқлаш ниятимиз йўқ. Аввалги хабарларимизда кўп марта урғулаганимиздек, фатхулла-гуленчиларнинг ҳозир ҳокимиятда ўтирган Ражаб Эрдўған раҳбарлигидаги исломчилардан ҳеч қандай фарқи йўқ. Уларнинг иккаласини мақсади битта - Туркияни Шариат қонунлари билан яшайдиган исломий давлатга айлантириш. Ҳозир уларнинг ичида ҳокимият учун кураш кетмоқда холос.
Ҳозир Туркияда исломчилар билан отатуркчилар ўртасида ҳам ашаддий кураш кетмоқда. Туркийтилли давлатларидаги Турк Дунёси тарафдорлари очиқча отатуркчиларни қўллаб-қувваттлашлари кераклиги, акс ҳолда, Туркия парчаланиб, Турк Дунёси деган тушунча хавф остида қолиши муқаррар эканлигини аввалари ҳам кўп марта эслатган эдик.
