20 November 2018
20:15 -
Интернет тезлиги бўйича ҳали ҳам дунёда энг қолоқларданмиз
Ирландиянинг Ookla компаниясига тегишли Speedtest.net сайтда Speedtest Global Index деб аталадиган Интернет тезлиги бўйича жаҳон давлатлари рейтинги эълон қилингани хабар қилинмоқда. Бу рўхатган кўра, мобил интернет тезлиги бўйича Норвегия (67,17 Мбит/с), сим билан уланувчи интернет бўйича Сингапур (181,47 Мбит/с) биринчи ўринда экан.Бечора Ўзбекистонимиз ҳали ҳам ўта ғариб аҳволда. Бизда мобил интернет тезлиги 9,73 Мбит/с экан, 120 мамлакат ичида 110-чи ўринда қолибмиз. Сим билан уланувчи интернет тезлиги бўйича 130 мамлакат ичида 9,28 Мбит/с тезлик билан 112-чи ўриндамиз.
Кўриниб турибдики, Ўзбекистон мобил интернет тезлиги биринчи ўринда турган Норвегияда 7 баравар, сим билан уланувчи интернет тезлиги бўйича биринчи ўринда турган Сингапурдан 18,5 баравар кам.
Маълумки, Ўзбекистонда бу соҳанинг расмийлари шу йил декабрда бизда интернет тезлиги 2 баравар ортишини айтиб келмоқдалар. Шу режа амалга оширилса ҳам, бизда интерент тезлиги илғорлардан мобил интернет бўйича 3,5 ва сим билан уланувчи интернет бўйича 9,7 баравар кам бўлиб қолаверади.
