09 November 2018
12:58 - 52 нафар ватандошимизнинг шу йил бошида Қозоғистонда автобусда ҳалок бўлишига сабабчи бўлганлар жазоланди, аммо Ўзбекистон хабарчилари жим
2018 йил 18 январда Қозоғистоннинг Оқтўбе вилоятида Ўзбекистондан Россияга ишлаш учун кетаётган 52 нафар ватандошимиз автобус ёниб кетиши туфайли ҳалок бўлганини Ўзбекистонда ҳам кўпчилик билади. Шу пайтгача бунга ўхшаш воқеалар Ўзбекистонда умуман хабар қилинмасди. Аммо, Шавкат Мирзиё ўзини халқпарвар президент қилиб кўрсатиш мақсадида, бу воқеа бизда кенг ёритилишига йўл берди.

Ўшанда "Бирлик" Халқ Ҳаракати Партияси ва Инсон ҳуқуқлари "Эзгулик" Жамияти Шавкат Мирзиёга мурожаат қилиб, Ўзбекистонда мотам эълон қилиш ва бу кунларга тушишимизнинг сабабларини ўрганиш комиссияси тузишни сўрадилар, аммо мурожаат эътиборсиз қолди. Шавкат Мирзиё автобус ёниб кетиш воқеасини ўрганиш учунгина комиссия тузиш билан чекланди. Шерали Жўраев каби миллат хоинлари эса, ўша кунларда концерт бериш билан шуғулландилар.

Ҳалок бўлганларнинг қолдиқлари Ўзбекистонга олиб келиниши ва дафн этилиши билан боғлиқ воқеалар ҳам Ўзбекистон оммавий ахборот воситалари тарафидан етарлича батафсил ёритилди. Аммо, кейин ҳамма бу воқеани унутди.

Русларнинг Интерфакс Агентлиги бугун ўша воқеа бўйича айбдор деб топилган 5 киши устидан Оқтўбе вилояти туманлараро жиноят суди ҳукм ўқиганини, 3 нафар автобус ҳайдовчисининг ҳар бири 5 йилга, ўз вақтида навбатдаги текширувдан ўтказилмаган автобусни ишлатишга рухсат берган 2 кишининг ҳар бири 3,5 ярим йилга озодликдан маҳрум этилганини суднинг матбуот хизматига асосланиб хабар қилди.

Ўзбекистонда ҳукмронлик қилаётган тожиклар режимининг қўғирчоқ ахборот воситаларидан биронтаси шу суд жараёнини кузатиш учун Оқтўбега мухбирларини юбормаганлари - Ўзбекистон халқига нисбатан жиноятдир. Вақти келади, тожиклар режими ҳам, қўғирчоқ ахборот воситалари ҳам, бунга миллат олдида жавоб берадилар.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону