27 декабрь куни Санкт-Петербургда “Перекрёсток” номли катта магазиннинг “юк сақлаш” бўлимида қолдирган рюкзакидаги қўлбола бомбани портлатган террорист кеча русларнинг Федерал Хавфсизлик Хизмати тарафидан ушлангани ҳақида “Новости” агентлиги хабар тарқатди. Ушланган одам терактни ҳам уюштирган, ҳам амалга оширган ягона одам эканлиги урғуланган.

Аммо ушланган одам терактнинг эртасига расми эълон қилинган одам ёки бошқаси эканлиги хабарда айтилмайди. “Ҳаракат” ўзининг бу террорга оид хабарида у расмдаги одам ўзбекга жуда ўхшашлигини ёзган эди.

Ушланган одам Тергов Қўмитасига топширилган эмиш. Тергов натижаларни кутиш керак ва кутамиз, у одам ўзбек бўлиб чиқмасин деб умид қиламиз.

Расмда – ўша террорист деб шубҳа қилинаётган ўзбек.