20 June 2009
19:11 -
Эрон мухолифати норозилик чиқишларини давом эттирмоқчи, вазият анчагина ноаниқ
Эронда президент сайловидан кейинги вазиятни тўғри тушуниш ва таҳлил қилиш осон бўлмай қолди.
Президент сайловининг ғолиби деб эълон қилинган Маҳмуд Аҳмединажоднинг асосий рақиби бўлган Мурҳусайин Мусави ва бошқа икки номзод ҳали ҳам ўз мағлубиятларини тан олмоқчи эмаслар. Номзодлардан бири бўлмиш Мехди Карубининг вакили бугун, яъни шанба куни кечга яқин шаҳар ҳокимиятининг рухсати бўлмаса ҳам намойишлар давом эттирилишини эрталаб билдирганди. Миллий полиция қўмондонининг ўринбосари Ахмадриза Радан эса, ҳар қандай рухсатсиз ўтказилган норозилик акцияси куч билан бўлса ҳам тўхтатилади, тарқатиб юборилади, деб қатъий огоҳлантириш эълон қилди.
Айни замонда, дунё ахборот воситаларининг билдиришича, мамлакатнинг энг юқори қонунчлик органида фавқулодда мажлис ўтказилмоқда. Унга норозилик билдираётган уччала номзод ҳам таклиф қилинган, лекин у ерга фақат Мухофазакорлар партиясининг лидери Мохсен Ризаи келган. Бошқа икки номзод - Мирҳусайин Мусави ва Меҳди Каруби келишмаган.
Эронда энг юқори қонунчлик органи парламентдир, шу сабабли хабарларни парламент фавқулодда мажлис ўтказмоқда деб тушуниш мумкин. Лекин кўпинча Конституция Қўриқчилари кенгашини ҳам юқори орган дейишаверади. Ҳарҳолда, гап шу орган ҳақида кетмоқда.
Конституция қўриқчилари кенгаши бунга ваколати бўлмаса ҳам, сайлов бюллетенларининг 10 фоизини ютқазган номзодларнинг олдида қайта санашга тайёр эканлигини билдирибди.
Конституция қўриқчилари кенгаши бу баёноти, яъни ваколати бўлмаган ишни қилмоқчи бўлганини эълон қилиши – бу мамлакатда қонунчлик ва ҳуқуқ каби масалалар қанчалик нисбий эканлигини кўрсатади.
Айни замонда, ҳокимият, бир томондан, норозилик чиқишларини куч билан бостиришга тайёр эканлигини билдириб туриб, иккинчи томондан, норозилар билан мулоқот қилишга тайёр эканлигини амалда кўрсатиши, Эронда демократия элементларини ҳаётга жорий қилиш - ўзимизнинг Ўзбекистондан кўра анча илгари кетганлигининг кўрстгичидир.
Президент сайловининг ғолиби деб эълон қилинган Маҳмуд Аҳмединажоднинг асосий рақиби бўлган Мурҳусайин Мусави ва бошқа икки номзод ҳали ҳам ўз мағлубиятларини тан олмоқчи эмаслар. Номзодлардан бири бўлмиш Мехди Карубининг вакили бугун, яъни шанба куни кечга яқин шаҳар ҳокимиятининг рухсати бўлмаса ҳам намойишлар давом эттирилишини эрталаб билдирганди. Миллий полиция қўмондонининг ўринбосари Ахмадриза Радан эса, ҳар қандай рухсатсиз ўтказилган норозилик акцияси куч билан бўлса ҳам тўхтатилади, тарқатиб юборилади, деб қатъий огоҳлантириш эълон қилди.
Айни замонда, дунё ахборот воситаларининг билдиришича, мамлакатнинг энг юқори қонунчлик органида фавқулодда мажлис ўтказилмоқда. Унга норозилик билдираётган уччала номзод ҳам таклиф қилинган, лекин у ерга фақат Мухофазакорлар партиясининг лидери Мохсен Ризаи келган. Бошқа икки номзод - Мирҳусайин Мусави ва Меҳди Каруби келишмаган.
Эронда энг юқори қонунчлик органи парламентдир, шу сабабли хабарларни парламент фавқулодда мажлис ўтказмоқда деб тушуниш мумкин. Лекин кўпинча Конституция Қўриқчилари кенгашини ҳам юқори орган дейишаверади. Ҳарҳолда, гап шу орган ҳақида кетмоқда.
Конституция қўриқчилари кенгаши бунга ваколати бўлмаса ҳам, сайлов бюллетенларининг 10 фоизини ютқазган номзодларнинг олдида қайта санашга тайёр эканлигини билдирибди.
Конституция қўриқчилари кенгаши бу баёноти, яъни ваколати бўлмаган ишни қилмоқчи бўлганини эълон қилиши – бу мамлакатда қонунчлик ва ҳуқуқ каби масалалар қанчалик нисбий эканлигини кўрсатади.
Айни замонда, ҳокимият, бир томондан, норозилик чиқишларини куч билан бостиришга тайёр эканлигини билдириб туриб, иккинчи томондан, норозилар билан мулоқот қилишга тайёр эканлигини амалда кўрсатиши, Эронда демократия элементларини ҳаётга жорий қилиш - ўзимизнинг Ўзбекистондан кўра анча илгари кетганлигининг кўрстгичидир.
Ким кимдир? Who is Who?Добавить
персону
Анвар Усманов
"Бирлик" фаоли, журналист. Ҳозир Германияда яшайди.
Добавить сведения