Андижон шаҳридаги 4- академик лицейнинг олдида Ўзбекистоннинг биринчи президенти Ислом Каримга ҳайкал ўрнатилмоқда, деб хабар қилди маҳаллий нашрлар. Самарқандда 2 сентябр куни Ислом Каримга ўрнатилган ҳайкалнинг очилиш маросими бўлиб ўтган эди. 31 август куни эса, марҳум президентнинг илк ҳайкали Тошкентдаги Оқсарой қароргоҳи олдида очилган.

Ҳозирда ҳайкал пойига ҳар куни юзлаб одамлар гуллар қўйиб, ёдгорликка сиғинишмоқда. Ҳайкалга сиғинаётган бу оломон Ислом Карим томонидан сўнгги 30 йилда яратилган жониворлар тўдаси бўлиб, вақти келгач, ҳайкалга бузиб ташлайдиганлар ҳам айнан шулар бўлади, дейди мухбиримиз.

Аммо, уларнинг кўзи очилган бўлади. Чунки, ҳақиқат халққа эртами кеч етиб боради. Лубянка тарафидан ўзбекларнинг бошига ўтқазилган Ислом Карим Ўзбекистонда айнан ўша Лубянканинг топшириғи ва ёрдами билан тожиклар режимини яратган ва ўзбек миллатини ўз тақдири билан иши бўлмайдиган подага айлантирган эди. Шавкат Мирзиё шу режимни оёқда ушлаб туриш ниятида эканлигини ҳозир ўзбеклар тушунишга бошладилар. Ғишт қолипдан кўчишга бошлади.