Бугун Ўзбекистон Миллий Телерадиокомпаниясида навбатдан ташқари йиғилиш ўтказилиб, унда компанияга янги раис тайинланди. Шавкат Мирзиё ҳокимиятга келиши ортидан улоқтирилган Алишер Хўжа яна раисликка қайтарилди. Атиги 26 кун ишлаб, жонли эфирларни кучайтириб юборган Бобур Алихон кеча лавозимидан олинганди.

Алишер Хўжа Ўзбекистон Бош вазири Абдулла Арипнинг қудаси, Бош вазирнинг ўғли унинг қизига уйланган. Ўзбекистон Вазирлар Маҳкамаси ҳузуридаги Миллатлараро муносабатлар ва хорижий мамлакатлар билан дўстона муносабатлар бўйича қўмита раиси ўринбосари бўлиб ишлаб келаётган бу одам узоқ йиллар хуфя хизматларда ишлаган, сўнг телерадиокомпнаияни бошқарганди.