18 June 2009
04:15 -
Жарқўрғон ҳокими Барот Ҳамидов фрмерларга солиқ сочди
Сурхондарё вилояти Жарқўрғон тумани ҳокими Барот Ҳамидов туман ҳудудидаги фермерларга бир бункердан ғалла солиғи сочди. Кун сайин маҳаллий давлат ҳокимияти тизими ўрта асрлар бошқарувига монандлашиб бораётган мамлакатимизда ҳокимларнинг бундай солиқ очиши мутлақо табиий ҳолга айланмоқда, дейди мухбиримиз. Жарқўрғон ҳокимининг жорий этган солиқ турига кўра, фермер ғаллани омборга топшираркан, бир бункер (3,5 тонна атрофида) дон учун накладной олмайди. Бу дон омборлари мудирларига ҳам тайинланган, ҳокимга йиғилаётан ўлпоннинг бошида фермерлар уюшмалари расилари турибди.
