08 January 2016
09:11 - Путин Россияни динийлаштирмоқда, бу ўлимни тезлаштиришдир
Россия Президенти КГБчи Владимир Путин ўз мамлакатида диний идораларнинг жамиятга таъсир кучини орттириш учун қилаётган ҳаракатлари ҳеч кимга сир эмас. КГБдан ҳақиқий диндор чиқишига ишониш қийин, аммо, тахмин қилиш мумкинки, у Россияни парчаланишдан тўхтатиб қолишга кучи етмаслигини тушунгани учун, бу ишда диндан фойдаланмоқчи. Путин бундай ишларни Украинадаги кризисдан кейин эмас, анча олдин бошлаганди. Айнан у Москва ва бутун Русия патриархи Кириллни Россияда кўзга кўринган шахсга айлантирди, айнан унинг топшириғи билан аввал собиқ СССРда, ҳозир Россияда замонавий ривожланишларнинг рамзи бўлган МФТИда (Москва Физика-техника Институтитда) 2012 йили Теология (Тангри ва ишонч масалари билан шуғулланадиган фан) кафедраси очилган эди.

Кеча Москва ва бутун Русия патриархи Кирилл православлар 7 январда нишонлайдиган Исо пайғамбарнинг туғилиш куни муносабати билан "Россия 1" теелканалига интервью берар экан, “ўлимга ҳам олиб келиши мумкин бўлган ҳарбий ҳаракатларда (урушларда, деяверинг – “Ҳаракат”) иштирок этишни оқлаш мумкин” дейишгача борибди ва “адолатли уруш” ғояси айнан шу фикрга асосланганини урғулабди.

Унинг фикрича, Суриядаги урушда Россиянинг иштирок этиши – мудофа уруши бўлгани учун адолатли эмиш. Қаранг, Сурияда Россия ўз мудофааси билан шуғулланаётган эмиш.

Путин рус миллатининг миясини ювиб туриш учун, коммунистлардан фарқли ўлароқ, диндан фойдаланишга уринаётгани охир-оқибатда айнан русларнинг зарарига ишлайди. Чунки, дунёвийлик/секуляризм принципини қабул қилган православларни дунёвий ишларга тортиш - Россиянинг халқаро майдонда кучайишига хизмат қилолмайди, аммо Россининг ичида яқинда оёққа туриши шубҳасиз бўлган ислом экстремистлари ва террористларининг Исломни давлат дини қилиш ниятларини рағбатлантиради, холос.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону