15 December 2015
22:54 -
Обид қорига суиқасдда айбланган шахс 18 йилга қамалди
Бугун Швеция шимолидаги Остершунд (Östersund) шаҳрида таниқли ўзбек имоми ҳисобланадиган ва ҳамма ислом уламолари каби тузуккина Қуръонни ҳам тушунмайдиган Обид қори Назаровга суиқасдда айбланган Юрий Жуковскийга 18 йиллик қамоқ жазоси тайинланди. 37 яшар Жуковский шу йилнинг 25 августида Россиядан Швецияга экстрадиция қилинган ва ноябр ойининг иккинчи ўн кунлигида маҳкамага тортилганди.Швед давлат айбловчиси Кристер Питерссен унга умрбод қамоқ жазоси сўради. Аммо суд Жуковскийга швед қонунларининг иккинчи даражали оғир жазосини белгилади. Кристер Петерссен эса Ўзбекистон ҳукуматини суиқасд амали ортида турганликда айблаганди. Маълум бўлишича, судда бу иддаони аниқлаштиришнинг имкони бўлмаган.
Юрий Жуковский нима сабабдан бундай ҳужумга қўл ургани исботланган-исботланмагани ҳақида ҳам ишончли маълумотлар йўқ. Балки, мақсад - қорини чаласаводлиги учун жазолаш бўлгандир.
