12 September 2015
12:26 - Халқаро Фазовий Станциядан қайтган қозоқ космонавтини Остонада Нурсултон Назарбой кутиб олди
1 сентябрь куни россиялик Сергей Волков ва даниялик Андреас Могенсен билан бирга Бойқўнғир космодромидан русларнинг “Союз” ракетаси воситасида фазога учирилган қозоқ космонавти Айдин Аимбетов 11 кун Халқаро Фазовий Станцияда (ХФС) бўлгач, ўзи билан фазога учган Андреас Могенсен ва ХФСда узоқ вақт яшаган Россия космонавти Геннадий Падалка билан биргаликда бугун эрталаб ерга қайтиб келди.

Космонавтларни ХФСдан олиб келган “Союз ТМА - 18М” кемасининг капсуласи Жезқозғон шаҳри яқинига тушди. Уч космонавт бу ердан Остонaга учиб келдилар ва пойтахт аэропортида Қозоғистон Президенти Нурсултон Назарбой томонидан кутиб олиндилар.

Ҳозир фазода Қозоғистоннинг 3 та сунъий ер йўлдоши учаётганини ҳам айтиб ўтган Нурсултон Назарбой Айдин Аимбетова жуда керакли илмий тадқиқотлар ўтказганини, Россия билан ҳамкорликда фазовий ишлар давом эттирилишини урғулади.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону