“Озодлик” радиосининг ўз манбаларига таяниб хабар қилишича, Жиззах вилояти Зарбдор туманидаги 25-умумтаълим мактабининг 9- синф ўқувчиси Улуғбек Исҳоқов 19 май куни каналга чўкиб нобуд бўлган. Пахта чопиғига мажбуран олиб чиқилган ўқувчилар тушликдан сўнг каналда чўмилаётганда фожеа содир бўлибди.

Улуғбек Исҳоқовнинг ўлими ҳозирда Зарбдор тумани прокуратураси томонидан ўрганилмоқда.

Маълум бўлишча, Улуғбек оиладаги тўрт фарзанднинг учинчиси эди. Унинг акаларидан бири Россияда мардикорда, отаси вафот этган, ёлғиз онанинг қарамоғида эди.