Бугун АҚШнинг энг катта автомобиль концерни General Motors шу йилнинг ўртасида Россиядаги заводлари маҳсулот ишлаб чиқаришни тўхтатиши ҳақидаги режасини эълон қилди. Бунинг сабаби сифатида Россиядаги иқтисодий кризис кўрсатилган. Яъни, заводлар бекитилмайди, ишлаб чиқариш тўхтайди. Номаълум муддатга ишсиз қоладиган ишчиларга 7 ойлик маошга тенг пул берилади. Шундан тушунса бўладики, заводлар камида 7 ой ишламайди. Тахмин қилиш қийин эмаски, Украинадаги кризис ҳал этилмагунча General Motors Россиядаги фаолиятларининг қайтадан бошламайди.

Бироз аввал Opel ва Chevrolet ширкатлари ҳам Россияда автомобиль чиқаришни тўхтатаган эди.

Хўш, GM-Uzbekistan шикатининг тақдири қандай бўлади? Табиий, бундан ҳам баттар бўлади. Бу ширкатнинг автомобиллари асосан Россияда мардикорлик қилиб пул топган ўзбекларга сотиларди. Россияда аҳвол чатоқ экан, у ерда пул топадиган ўзбекларнинг ҳам сони камаяди. Пул йўқ бўлса, ким автомобиль сотиб оларди?