Бугун Ўзбекистон Халқ демократик партияси Марказий Cайлов Комиссиясига ўзининг кечаги қурултойи қарорларини тақдим этди. Партия ўз етакчиси Ҳотамжон Кетмоновнинг номзодини қўллаб-қувватлаган 1 миллон 40 минг нафар сайловчининг имзо ва шахсий маълумотлари, қурултойнинг Кетмоновни номзодликка тайинлаш ҳақидаги қарорини сайлов комиссиясига топширди. МСК матбуот хизматига кўра, комиссия 7 кун ичида имзолар ҳақиқйлиги ва бошқа ҳужжатларнинг қонунга мувофиқлигини ўрганиб чиқади.

Шундай қилиб, 3 партия - уч номзод ўз ҳужжатларини комиссияга топширди. Эртага “Адолат” партиясининг қурултойи ўтади. Пайшанба куни у ҳам ҳужжатларини комиссияга топшириши кутилмоқда.

Кўринишидан сайловда 4 номзод иштирок этади. Бу Ислом Каримнинг сўнгги қарори, номзодларни қўллаб-қувватловчи миллионлик имзолар қай тариқа тўплангани ёки тўплай олинмагани энди ҳеч кимни қизиқтирмайди.


Хуллас, аввалги тўртталик расмга қайтдик.