Financial Times газетаси Ғарбнинг санкциялари остида иқтисоди ботаётган Россиядан чел элликлар қочаётганини кўрсатувчи қуйидаги рақамларни келтирибди. Ўтган йилнинг шу кунларига нисбатан Россиядаги чет элликларнинг сони кескин камайган, масалан, немислар 31%, америкаликлар 36%, британияликлар 38%, испанлар 41% га. Бу мамлакатлардан Россияга келиб яшаётганлар бизнес билан шуғулланишарди.

Табиий, Россияда ишлаётган меҳнат муҳожирларининг сони камаяётгани ҳам Financial Times газетасининг назаридан четда қолмаган. Аммо, бунга оид рақамлар келтирилмабди. Бироқ, камайиш асосан Тожикистон ва Ўзбекистондан келган меҳнат муҳожирлари ичида бўлаётгани алоҳида урғуланган.