05 January 2015
18:32 - Ўзбекистон “қора бозор”ида яна доллар қутурди
Бугун тушдан сўнг “қора бозор”да АҚШ валютасининг 100 талиги 355 000 сўмга сотилди. Бу миқдор шу пайтга қадар кузатилган энг юқори кўрсаткич бўлиб, ўтган ойда АҚШ доллари ана шу маррага бир неча кун яқинлашганди. Саррофлар валюта курсининг ошиши ва ўзбек сўмининг инфляцияси яна давом этишини таъкидлашмоқда. Бу ҳол ўз-ўзидан Россиядаги ҳолат билан изоҳланмоқда.

Ўзбекистон Республикаси Марказий Банки ҳам 2015 йил 6 январдан бошлаб 1 АҚШ доллари курсини 2 минг 424 сўм 23 тийин этиб белгилади – бу 2014 йилнинг охиридаги курсга (2 минг 422 сўм 20 тийин) нисбатан 1 сўм 83 тийинга кўп. Айни вақтда, 1 евро курси 2 минг 960 сўм 23 тийин, бу эса 2014 йил 30 декабрь куни белгиланган курсга нисбатан 27 сўм 51 тийин арзонроқдир.

Шунингдек, Евро валютасининг долларга нисбатан курси 9 йил ичида энг паст кўрсаткичга тушиб кетди: 1 евро - 1.1864 доллар! Евро бундай паст кўрсаткични 2006 йилнинг март ойидан бери кўрсатмаган эди.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону