Дарвоқе, шундай. Бугун Ўзбекистон Марказий Банки хорижий валюталарнинг сўмга нисбатан янги қийматларини белгилаб, 1 АҚШ доллари қийматини 2 413 сўм баҳолади. Бу эса кейинги бир ҳафта давомида долларнинг қиймати 4 сўм 29 тийинга ошганини кўрсатади. Айни пайтда 1 евро қиймати 2 минг 993 сўм 56 тийинни (8 сўм 94 тийинга қимматлашган). Сўмимиздан ҳам тез чўкаётган Россия рубли олдидагина фахрланишимиз мумкин. Ҳозир 1 рубль 42 сўм 43 тийинга тенг, яъни рубль 2 сўм 77 тийинга арзонлашди.

“Қора бозор”да АҚШ долларининг сўмга нисбатан қиймати 3450 сўм атрофида бўлиб, саррофлар бошқа хорижий валюталарни ҳам шу қиймат нисбатига харид қилишмоқда. Мисол учун рубль 59-60 сўмдан, евро эса 3300 сўм атрофида. Янги йилга қадар долларнинг қиймати 3500 сўмга қадар кўтарилиши мумкин.