22 November 2014
03:12 - Нью-Йорк фондлар биржасини “Ҳаракат” рағбатлантираётган эди, кеча эса Хитой Марказий Банки рағбатлантирди
Биржанинг асосий кўрсатгичи бўлмиш Dow Jones индекси 5 ҳафтадан бери тўхтовсиз ортиб бормоқда. Бундай бўлишини “Ҳаракат” Агентлиги мухбирлари аввалдан башорат қилгандилар. Аввалги ҳафтанинг охирида ва жорийдаги ҳафтанинг бошларида биржа сокинлашгандек бўлди. Аммо, кеча эрталаб Dow Jones индекси кутилмаганда юқорига сапчиди ва бир неча соат ичида яна бир тарихий рекорд қўйди - 17895.

Биржа экспертларига кўра, бунинг сабаби - Хитой Марказий Банки қарз учун олинадиган фоиз ставкасини туширганидир. Молиявий соҳадан хабари борлар биладики, фоиз ставкасининг кўтарилиши иқтисод ўсаётганини, фоиз ставкасининг туширилиши эса, иқтисод заифлашаётганининг кўрсатгичидир. Хитой Марказий Банки фоиз ставкасини тушириб, мамлакат иқтисодида муаммолар чиққани ҳақида сигналлар берди. Табиий, бу нарса Хитойнинг иқтисод соҳасидаги асосий рақиби бўлган АҚШни рағбатлантирди.

Нью-Йорк фондлар биржасида тушдан кейин тушиш бўлди, аммо умумий натижа ўсиш эди - 92 поғана. Биржа бекилганда Dow Jones 17810 га тенг эди. Демак, ҳафталик ўсиш 175 бўлибди.

Вақтдан фойдаланиб, авваллари ҳам кўп марта такрорлаган фикримизни яна қайтарамиз.

АҚШда ишлаётган ўзбеклар фондлар бозорида кетаётган жараёнлар билан қизиқишлари, қўл билан ушлаб бўлмайдиган, кўзга кўринмайдиган Dow Jones каби индекслар билан яшашни ўрганишлари, пулларини фақат банкларда эмас, фондлар бозорининг акцияларида ҳам сақлашни ўрганишлари лозим.

Ўзбекистондаги ота-оналарга ёрдам бериш шарт, аммо у ерга ортиқча пул юбориш ўзбекларнинг душмани бўлган мавжуд режимга хизмат қилиш ва пулни сувга оқизишдир. Ўзбеклар АҚШда ҳам ош ейиш ва Ўзбекистонга пул юборишдан ташқари, бу ерда пул йиғиб, кичкина бўлса ҳам ўз бизнесларини очиш устида ўйласалар фойдали бўлади.

Айнан шундай одамлардан кейинчалик катта бизнесменлар чиқади. Ана ундан кейин Ўзбекистонда ҳам бизнес очишни ўйлаш мумкин. Акс ҳолда, Американи ҳам мардикорлар билан тўлатиб юраверамиз.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону