29 October 2014
08:34 - Путин саратон касаллигидан ўлмоқдами?
Нью-Йорк Пост газетасининг шу йил 24 октябрь сонида эълон қилинган “Саратон ҳақидаги миш-мишлар Путиннинг атрофида айланмоқда” номли мақола шундай савол қўйишга мажбур қилади.

Газетага кўра, Путиннинг Украина ишларига бунчалик тезлик билан аралашишининг сабаби, миш-мишларга кўра, унинг саратон касалига учрагани эмиш. Ҳозир Путинни, у КГБчи сифатида Дрезденда ишлаёган пайтида танишиб қолган 84 ёшли доктор даволаётган эмиш. Мақоланинг муаллифи Ричард Жонсон Путиннинг 3 йил умри қолгани ҳақида фикрлар борлигини, у ўлимидан кейин ўзини қаҳрамон сифатида эслашларини истаб, Украина ерларини Россияга қўшиб олиш ҳаракатида эканлигини ҳам ёзади.

Нью-Йорк Пост газетасини машҳур ва обрўли Нью-Йорк Таймс ҳамда Вашингтон Пост билан солиштириб ҳам бўлмайди. Бу мақола эълон қилинганига 5 кун ўтишига қарамасдан унга катта эътибор бўлмаётгани ҳам тушунарли.

Ўзбекнинг “Бировга ўлим тилагандан кўра, ўзингги ҳаёт тила” деган мақоли бор. Биз ҳам Путинга ўлим тилмоқчимасмиз. Аксинча, у узоқ умр кўрсин. Аммо, ақли тезроқ кириб, СССРни у ёки бу шаклда тиклаш фикрларидан воз кечса, бутун дунё учун ҳам, Россиянинг ўзи учун ҳам яхши иш қилган бўларди, унинг бундай расмини руслар бошқа кўтармасди.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону