05 September 2014
20:26 - Украинада ўқ отишни тўхтатиш протоколи Минскда имзоланди
Бундан бир неча соат аввал Белорусия пойтахти Минскда тўпланган Украина собиқ президенти Леонид Кучма, Россиянинг Киевдаги элчиси Михаил Зурабов, ЕХҲТ вакили Хайди Тальявини ҳамда ўз-ўзини мустақил деб эълон қилган Донецк ва Луганск республикаларининг бош вазирлари Александр Захарченко ва Игорь Плотницкий ҳукумат қўшинлари ва супаратист жангарилар ўртасида ўқ отишни тўхтатиш бўйича протокол имзоладилар.

Бу протоколнинг ҳуқуқий кучи йўқ бўлса ҳам, тарафлар унинг асосида ҳаракат қилишга ваъда беришгани муҳим. Шундай бўлди ҳам. Украина президенти Петр Порошенко маҳаллий вақт билан соат 18:00 дан (Тошкент вақти билан соат 20:00) эътиборан Украина қўшинларига ўқ отишни тўхтатишни буюрди. Сепаратистлар ҳам шундай қарорларини эълон қилишди.

Бугунги келишув Украинадаги кризисдан чиқиш йўлида бир қадам бўлиши мумкин, аммо ҳақиқий тинчликка ҳали анча вақт бор, дейди мухбиримиз. Тарафларнинг бугунги баёнотлари ҳам шуни кўрсатмоқда. Икки тараф ҳам келишув бўйича ҳаракат қилишини, аммо қарши тараф ўқ отса, унга жавоб берилишини эълон қилди. Донецк ва Луганск руспубликалари эса, бу келишув уларнинг Украинадан мустақил бўлиш режаларидан воз кечтирмаслигини айтмоқдалар.

Расмда (чапдан ўнгга): Леонид Кучма, Александр Захарченко, Хайди Тальявини, Михаил Зурабов ва Игорь Плотницкий.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону