04 September 2014
22:24 -
Москвада Ўзбекистон Исломий Ҳаракати фаоллари ҳибсга олингани иддао қилинмоқда
Россиядаги бир қанча оммавий ахборот воситалари, хусусан, Лента.Ру агентлиги Москванинг Ясенево тумани полицияси томонидан қалбаки паспорт, ҳайдовчилик гувоҳномалари ясаш билан шуғулланган гуруҳни ҳибсга олгани ва суриштирувлар даврида улар Ўзбекистон Исломий Ҳаракати фаоллари бўлиб чиққани ҳақида ёзишмоқда. “Маълумотларга кўра, қўлга олинган Марказий Осиё фуқаролари радикал исломга эътиқод қилган ва Ўзбекистон Исломий Ҳаракати аъзоларидир”, дейилади хабарларда.
