20 August 2014
09:00 - Исломчи террористлар намойишкорона америкалик журналистнинг бошини олдилар
“Ироқ Левант Ислом Давлати” (ИЛИД) номли терроистик гуруҳ кеча асли америкалик, аммо Франс Пресс агентлигида ишлаётган журналистнинг бошини намойишкорона танасидан жуда қилиб, воқеанинг видеофильмини Интернетта тарқатти. Жеймс Фоли исмли журналист 2012 йилнинг ноябрь ойида Сурияда ғойиб бўлган, кейинчалик у террористлар қўлида эканлиги ўртага чиққан

Шу йилнинг ўрталарида бу террористик гуруҳ ўзини “Ироқ Левант Ислом Давлати”деб атади, Сурия ва Ироқда босиб олган ҳудудларини Халифалик деб эълон қилди. 5 йил ичида Халифаликни Испаниядан то Покистонга қадар кенгайтиришини эълон қилган ИЛИД Ироқда катта мувафаққиятларга эриша бошлагач, АҚШ унга қарши ҳаводан уриш бошлади. Америкалик журалистнинг намойишкорона қатл қилиниши – шунга жавоб бўлди. Ҳозир ИЛИДнинг қўлида яна бир америкалик – Time журалининг мухбири Стивен Сотлофф борлиги айтилар экан, ИЛИДчилар уни ҳам қатл қилиш ниятларини очиқладилар ва энди АҚШни қонга ботириш билан таҳдид қилмоқдалар.

Табиий, ИЛИДнинг тақдири Покистон ва Афғонистонда феълан йўқ қилинган Ал-Қоида ҳамда Толибон каби бўлади. Аммо, ИЛИДчиларнинг намойишкорона бош кесишлари жаҳоннинг мусулмонларга нисбатан шаклланиб бораётган, балки, шаклланиб бўлган салбий муносабатини кучайтиради.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону