27 July 2014
20:21 - Бокуда ёпилган Фатхулла Гулен лицейлари ўқувчиларининг ота-оналари норози
Аввал хабар берганимиздек, Туркия Бош вазири Ражаб Эрдўғонни доимо қўллаб-қувватлаб келган ва унинг ҳукумати ичида кучли мавқега эга бўлган фатхулла-гуленчилар ўтган йилнинг охирида кутилмаганда Ражаб Эрдўғонга қарши чиқиб қолгач, Туркияда уларга қаши кампания бошланди. Айнан ўшанда Озорбайжон режими фатхулла-гуленчиларнинг Озорбайжондаги лицейлари бекитиб ташлади.

Бекитилган 11 лицейда 4 минг ўқувчи ўқиган экан, ҳозиргача улардан 300 нафари бошқа лицей ёки мактабларга жойлашибди. Асосий сабаб – фатхулла-гуленчиларнинг инглиз тилида дарс олиб борадиган лицейларида ўқиш ҳаққи Озорбайжоннинг инглизча ўқув юртларидан кўра 10 бараварча арзон экан.

Кеча шу ўқувчиларнинг ота-оналари бекитилган лицейлардан биттасининг биноси олдида (расмда) норозилик митинги ўтказиб, лицейларни тиклашга, ҳеч бўлмаса, у ерда ўқиётганларга лицейларни битириб олишга имкон беришга чақиришибди.

Ўзбекистонда фатхулла-гуленчиларнинг лицейлари бекитилганда қандайдир норозилик аломатлари бўлгани ҳақида биронта хабар бўлмаган.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону