Ғарб ахборот агентликлари Покистон хавфсизлик хизмати расмийларига асосланиб тарқатган хабарларидан маълум бўлишича, бу мамлакат ҳарбийлари кеча вертолётлар билан уюштирган авиаҳужуми натижасида асосан Ўзбекистон Исломий Ҳаракати аъзоларидан иборат бўлган бир неча ўн террорист йўқ қилинган.

Авиаҳужумнинг нишони - Карачи аэропотига ҳужумда иштирок этган Ўзбекистон Исломий Ҳаракатининг жангарилари бўлган. Покистон ҳарбийлари Ўзбекистон Исломий Ҳаракатининг жангарилари турган жой аниқланганидан кейин, айнан ўша ерга авиаҳужум уюштиришибди. Ўлдирилган жангариларнинг аниқ сони айтилмайди.

9 июндаги хабарларимиздан бирида, Толибоннинг Покистон бўлими жангарилари Карачи аэропортини босиб олиш пайтида 27 киши ўлдиришгани, аэропортга ҳужум қилган Толибон террористлари таркибида ўзбеклар ҳам бор эканлигини айтар экан, қуйидагича таҳлил берган эдик:

«Эй, Покистон ва Афғонистонда эртами-кечми йўқ қилиниши муқаррар бўлган ўзбек исломчилари! Ақл-хушингизни йиғиб олинг. Ислом дунёсида Ислом дини тўла ҳукмрон бўлган йиллари дунёнинг энг ривожланмаган, қашшоқ ва кучсиз мамлакатларига айланганимиз учун ҳаммамизни мустамлакачилар осонликча босиб олишган-ку!

Чунки, Ислом дини Қуръонни ҳам яхши билмайдиган чаласавод муллалар тарафидан нотўғри йўлга солинган эди. Ҳозир ҳам ҳамма муллаларимиз чаласавод. Уларнинг чақириғи билан узоққа боролмаймиз. Ислом дунёсини ривожланган дунё даражасига олиб чиқишнинг йўли бутунлай бошқа. Шу йўлга ўтинг. »

Ҳали тирик қолган ўзбек исломчиларига яна эслатамиз:

Чаламуллаларнинг гапига кириб узоққа боролмайсиз. Ислом дунёсини ривожланган дунё даражасига олиб чиқишнинг йўли бутунлай бошқа. Шу йўлга ўтинг.