12 June 2014
19:19 - 2013 йилдан бери ҳибсда бўлган Покистоннинг собиқ Президенти Мушаррафга мамлакатдан чиқиб кетиш рухсати берилди
“Ҳаракат” Агентлиги бундан икки йилча аввал Покистоннинг собиқ Президенти Первез Мушарраф кутилмаганда Туркия Бош вазири билан Анқарада норасмий учрашгани ҳақидаги хабарга қуйидагича таҳлил берган эди:

* * *

1999 йили қонсиз давлат тўнтариши уюштирган Покистон Қуролли кучлар Бош штабининг бошлиғи Первез Мушарраф, кейинроқ сайловлар йўли билан президентликка ҳам сайланган эди. У Покистонга демократия элементларини олиб келса келдику, лекин диктаторлик қилмади. Айнан у яратган демократия доирасида 2008 йили унга қарши импичмент процедураси бошланди ва унинг ўзи истеъфога кетди. 1943 йилда туғилган Мушарраф ўша истеъфосидан бери чет элда яшади.

У Покистонга қайтиб, сиёсий фаолиятини давом эттириш устида ўйлаётгани, чет элдан мадад истаб турли учрашувлар ўтказгани ҳақида хабарлар бўлиб турарди. Анқарадаги учрашув ҳам шу сериядан бўлса керак.

Аслида, дейди мухбиримиз, аҳолисининг кўпчлиги жоҳил мусулмонлар бўлган Покистондек мамлакатга Мушарраф каби президент керак. Аммо, бу мамлакат халқи бундай нарсаларни ҳали-бери тушуниб етмайди. Минг афсус.

* * *

Мана орадан 2 йилча вақт ўтди. Бу вақт ичида, аниқроғи, 2013 йил 24 март куни, Первез Мушарраф келажакада бўладиган сайловларда иштирок этиш учун ватанига қайтиб келди. Аммо, 31 март куни Олий Суд қарорига кўра, давлатга хиёнат айби билан ҳибсга олинди. Кейин қўйиб юборилди, кетидан яна ҳибсга олинди. Унга бутун умр сиёсий фаолият билан шуғулланиш тақиқланган. У президентлиги пайтида баъзи хатоларга йўл қўйганини тан олса ҳам, давлатга хиёнат айбини рад рад этди.

Бугун, яъни 2014 йил 12 июнь куни, жаҳон ахборот агентликларини хабар беришича, Карачи шаҳар суди Мушаррафга мамлакатни тарк этиш рухсати берибди. Демократиядан узоқ бўлган Покистонда мустақил суд йўқ эканлигини ҳисобга олсак, суднинг бу қарори Покистоннинг ҳозирги раҳбарларининг қарори дейиш мумкин.

Покистоннинг ҳозирги аянчли аҳволи, хусусан, Толибон ҳалигача кўп жойларда ҳукмронлик қолаётгани, мамлакат аҳолисининг кўпчлиги жоҳил мусулмонлардан иборат бўлгани каби фактлардан келиб чиқиб, қайтариб айтамиз, бу давлатга Мушаррафдек одамнинг раҳбарлик қилиши покистонликларнинг ўзи учун яхши бўларди. Аммо, аввал ҳам айтганимиздек, минг афсуски, бу мамлакат халқи бундай нарсаларни ҳали-бери тушуниб етмайди.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону