Марказий Сайлов Комиссияси 25 майда бўлган президент сайловларининг ҳамма электрон протоколларини ҳисобга олди. Ҳали ҳам узул-кесил бўлмаган натижаларга кўра, Петр Порошенкога 54,7%, Юлия Тимошенкого 12,81% овоз берилган. Мамлакат жанубида эса, уруш каби антитеррор операцияси давом этмоқда.

Украина расмийлари террорист, Ғарб давлатлари исёнчи деб айтаётган руспарастларнинг қўли бугун баланд келгандек кўринади. Донецк вилоятининг Славянск яқинида улар Украина Миллий гвардиясининг бир вертолетини уриб туширдилар, у бутунлай портлаб кетиши натижасида 12 киши ҳалок бўлган. Ҳалок бўлганлар ичида вертолетнинг экипажидан ташқари ҳарбийлар бор, улардан бири – генерал Кулчицкий. Бу ҳақда Украина Президенти вазифасини вақтинча бажарувчи Александр Турчинов баёнот берди.

Бироздан кейин вертолётни уриб туширган террористлар отряди ракеталар билан уриб, йўқ қилиб ташлангани хабар қилинди, аммо уни текшириб бўлмайди.

Расмда – уриб туширилган вертолетнинг аввалроқ олинган расми.