Сўнги ҳафталарда бир оз юксалиш бир оз тушиш билан, яъни зиг-загли равишда ортиб бораётган Нью-Йорк фондлар биржасининг асосий кўрсатгичи бўлмиш Dow Jones индекси 12 майда кескин юксалиб, 16735 га чиққан ва тарихий рекорд ўрнатганди.

Ўшанда “Ҳаракат” мухбирлари “Нью-Йорк биржасининг бундай жонланиши Украина жанубида бўлаётган воқеалар сабаблими? Бўлиши мумкин. Баъзида уруш ҳам, табиий, совуқ уруш ҳам, иқтисодга ижобий таъсир кўрсатолади” деган фикр билдиришган эди.

Мана, орадан яна 2 ҳафта ўтди. 12 майгача кескин юксалиб борган Dow Jones индекси тарихий рекорддан кейин кескин пасайиб кетди. Аммо, умуман олганда яна ўша зиг-загли ҳаётини давом эттирмоқда. Кеча жорийдаги ҳафтанинг охирги иш куни тамом бўлганда Dow Jones 16606 да тўхтади.

Хуллас, бозорда жиддий ўзгариш бўлмади. Dow Jones индекси 16-17 минг орасида чиқиб-тушиб турибди, яъни зиг-загли барқарорлик давом этмоқда.

Reuters мухбирининг фикрича, инвесторлар фондлар бозорининг келажаги хусусида бироз ташвишдалар, аммо бозордаги барқарорлик давом этиши кутилмоқда.