22 October 2008
03:00 -
18:00 - Мўътабар Тожибой “Бирлик” позициясига ўтибди, энди “Бирлик”га ўтиши керак
18:00 - Мўътабар Тожибой “Бирлик” позициясига ўтибди, энди “Бирлик”га ўтиши керак
18:00 - Мўътабар Тожибой “Бирлик” позициясига ўтибди, энди “Бирлик”га ўтиши керакТаниқли ҳуқуқ ҳимоячиси Мўътабар Тожибой ББС радиосининг ўзбек хизматига берган интервьюсида “ўзбек мулозимларига қарши Оврўпо Иттифоқи ўрнатган виза чекловининг бекор қилинишини қўллаб-қувватлашини” айтибди. Маълумки, “Бирлик” Партияси Ўзбекистон ҳукуматини дунёдан изоляция қилиш фойдасиз эканлигини, аксинча, Ўзбекистонни Ғарб структураларига интеграция қилиш мамлакатимиз демократия йўлидан кетишини кафолатлашини бир неча йиллардан бери айтиб келмоқда.
Мўътабар Тожибой ҳам шу позицияда эканлиги, ўзбек ҳуқуқ ҳимоячилари ҳам сиёсат саъатини ўрганиб боришаётганини кўрсатади.
Адолат учун шуни айтиш керакки, “Бирлик” лидери Абдураҳим Пўлат эндигина қамоқдан чиққан Мўътабар Тожибой билан телефонда гаплашганда, ҳуқуқ ҳимоячиси ҳозирги айтилаётган масалада “Бирлик”нинг позициясини тўла қўллаб-қувватлашини билдиргани сайтимизда хабар сифатида берилганди.
Европа Иттифоқи билан алоқларнинг илиқланиши қамоқхоналарда қийноқларнинг озалишига, бир қатор сиёсий маҳбусларнинг озод этилишига йўл очганлигини тан олган Мўътабар Тожибой, бу билан “Ўзбекистонда сиёсий вазият ўзгарди, демократия учун қадам қўйилди”, дейиш мумкин эмаслигини урғулаган.
Хўш, шундай экан, нима қилиш керак, деган савол яна олдимизга чиқади. Мўътабар Тожибой ҳам бу савол устида ўйлаётган бўлиши мумкин.
Бу саволга жавобни ҳам “Бирлик” Партияси бериб бўлган. “Бирлик” дейдики, мамлакатдаги сиёсий вазиятни мухолифатгина ўзгартиролади. Ҳуқуқ ҳимоячилари ўзгариш истаслар, мухолифатни қўллаб қувватлашдан бошқа йўллари йўқ. Аммо ҳозир, минг афсуски, МХХ назорати остида ишалаётган ББС ва “Озодлик” радиосининг ўзбек хизмати ходимлари, Европада ўрнашиб олган турли-туман ўзбек псевдодемократлари мухолифат ва ҳуқуқ ҳимоячилари ўртасига нифоқ солиш билан оворалар. Балки, бу иш билан махсус шуғулланадилар.
Бунга чек қўйиш керак. Мўътабар Тожибой ҳам бу жараёндан четда қолишни истамаса, ҳозир Ўзбекистонда фаолият олиб бораётган ягона мухолифат ташкилоти – “Бирлик” Партияси сафларига қўшилиши керак. “Бирлик”га аъзо бўлиш унинг функционерига айланиш дегани эмас, ҳуқуқ ҳимоячилик ишини “Бирлик” аъзосии сифатида олиб боришгина ҳуқуқ ҳимоячиларнинг фаолиятини жиддийроқ қабул қилинишига фундамент яратади.
Акс ҳолда, ҳозирги ҳуқуқ ҳимоячилари ҳам ўз вақтида шу хатога йўл қўйган, яъни ўзини “Бирлик”дан четга олишга бошлаган Абдуманноб Пўлат, Михаил Ардзинов, Толиб Ёқуб ва бошқалар каби бирма-бир йўқ бўлиб кетаверадилар.
